التخطي إلى المحتوى الرئيسي

طريقك للتدريب في صيدلية ـ ج2

في التدوينة اللي فاتت ، عرفنا إيه الأسباب والمميزات اللي ممكن تكتسبها لما تدرب في صيدلية .. والنهارده هنتكلم عن ( الخطوات الأولى ) في الطريق .

1- أنزل أتدرب فين ؟

يفضل إنك تدرب في صيدلية فيها حد هيشرف عليك ، عنده استعداد انه يستحمل أسئلتك الكتير .
كمان الأحسن إنك تنزل في صيدلية عليها اقبال ( شغلها كتير يعني ) لأن ده هيساعدك إنك تتعلم بسرعة وتتعامل مع الأدوية باستمرار .

لكن لو مفيش صيدلية معينة في بالك .. مفيش مشكلة .. روح لأقرب صيدلية عندك .. واطلب انك تقابل الدكتور .. واشرحله إنك طالب في سنة سادسة وعاوز تتدرب .. الغالب الأعم بيكون متعاون جدا ومتفهم جدا

( ودي في نظري أصعب خطوة لأن البعض مننا بيخاف إن الدكتور يرفض فبيفضل مكانه ومش بياخد الخطوة الأولى .. روح خد الخطوة .. المسألة مش صعبة قوي زي ما انت فاكر ) .



2- محتاج إيه معايا ؟



- هتحتاج كشكول صغير تكتب فيه الملاحظات اللي انت بتتعلمها .
- أطلس أدوية " وأنا برشح لك أطلس 2 " هتلاقيه في مكتبة المنار عندنا .
- كتاب تقرأ فيه في أوقات فراغك هناك
( بعد فتره احتمال تحس بملل من كتر القراية في الأدوية .. غير جو واعمل حاجة تانية وانت في الصيدلية ^_^ )

3- هتعلم إزاي ؟



بالنسبة لي أنا الدكتور اللي بيشرف عليا كان رئيس قطاع في شركة أدوية كبيرة ، فبدأ معايا من الصفر ,, واقترح عليا اقتراح ممتاز لكن البعض يمكن يستصعبه شوية ..
الصيدلية متقسمة حسب الـ Body Systems

1- Antibiotics
2-Analgesics
3- Vitamins & Supplementation
4- GIT
5- Respiratory
6- المراهم والكريمات
7- القطرات
8- الحقن
9- أدوية الغدد والقلب .
10- مستحضرات التجميل .

هتبدأ انت مثلا بقسم الـ Antibiotics هتبدأ تطلع كل دواء وتقرا الـ Leaflet بتاعته وتعرف الآتي :

- Generic Name
- Trade Name
- Indications
- Doses
- Forms

الطريقة دي صعبة شوية .. ويمكن تكون تقيلة حبتين .. لكن بتحس إنك عايش مع الدواء .. وبعد فترة بتلاقي الأدوية بتتكرر مع اختلاف في الاسم التجاري مش أكتر .
بعد فترة من تريبك في الصيدلية هتبدأ تحس إن تقدر تشيل المسؤولية .. إنك تقدر تقف في الصيدلية حتى لو مش معاك الدكتور المشرف عليك ( الفترة دي بتختلف من واحد للتاني وفقا لكثافة الشغل كل يوم .. ووفقا كمان للـ Attitude بتاعك ) .

بمجرد ما توصل للمرحلة دي ممكن تبدأ تدور على صيدلية تانية تشتغل فيها بقى مش تدريب .

4- ودي ممكن توصل ليها إزاي ؟


- السؤال المباشر : يعني تنزل الصيدليات المحسطة بيك وتسألهم عن وظيفة .
- زملاءك اللي في امتياز : كتير منهم بينزل صيدليات وبيعرف مين الصيدلية اللي محتاجة .
- جرنال الوسيط .
- موقع شغلانتي . ( شوف قسم مساعد صيدلي ) .

أتمنى أكون أفدتك .. ولو فيه أي استفسار أنا تحت امرك ^_^

تعليقات

  1. إدارة المكتبة .
    أهداف الإدارة .
    1. نشر الرصيد العلمي في سائر فنون العلم والمعرفة وتعميمه بأسلوب يحقق الفائدة العلمية المرجوة.
    2. توظيف التقنية الحديثة والاستفادة القصوى ممّا تُتيحه من إمكانات هائلة في مجال المكتبات وبالأخص الشبكة العالمية للمعلومات “الإنترنت”.
    3. خدمة الدارسين والباحثين في شتّى بقاع الأرض بما يُوفِّر عليهم الجهد والوقت في التصفّح والعرْض والبحث بطريقة عرْض تتناسب مع المعايير العالمية للمكتبات.
    4. التعاون والمشاركة والتسويق المتبادل للموارد المكتبية مع الجهات المختصة.
    مهام الإدارة .
    1. وضع السياسات والخطط المستقبلية واللوائح التي تكفل تحقيق أهدف المكتبة وأرقام الأداء المستهدفة.
    2. الإشراف الإداري على جميع أقسام المكتبة واتباع أسلوب الإدارة بالأهداف من أجل التنميّة المستدامة للمكتبة.
    3. تحديد الموازنة المالية السنوية للمكتبة.
    4. تحديد الموازنة المالية في الخطط قصيرة المدي ، وطويلة المدي.
    5. ضبط الجودة في جميع العمليات والإجراءات الفنية في كل أقسام المكتبة.
    6. وضع خطط الشراكة والتعاون مع مكتبات المؤسسات والجهات العلمية الأخرى.
    7. تقديم خدمات المكتبة لجميع قطاعات المجتمع بالإضافة لمنتسبي الجامعة.
    8. مراعاة حقوق الملكية الفكرية المعنوية والمادية للمؤلفين وقانون حقوق الطبع وخاصة في البيئة الرقمية.
    9. التنسيق المستمر مع إدارة التقنية للتطوير والتحديث المتواصل في بنية وتركيبة نظام المكتبة بحيث يخدم كافة متطلبات ﺍﻟﻤﻜﺘﺒﺔ ومنتسبيها.
    10. تدريب المكتبيين للتعامل مع أحدث التكنولوجيات والممارسات الفنية التي تخص المكتبات.
    11. تحليل جميع مخرجات نظام المكتبة من بيانات وتقارير للخروج بمؤشرات عامة تعبر عن أداء المكتبة بجميع أقسامها.
    12. تقديم تقارير دورية لإدارة الجامعة عن سير جميع العمليات والإجراءات الفنية في كل أقسام المكتبة مع إحصاءات شاملة لكافة أنشطتها.

    ردحذف

إرسال تعليق

المشاركات الشائعة من هذه المدونة

أ ، ب سكر ـ الجزء الأول

مابين الكربوهيدرات والبروتين والدهون تتعدد الأطعمة التي نتناولها ولعل أهم هذه الأطعمة وأكثرها انتشارا “ الكربوهيدرات “ أو السكريات إن جاز التعبير فهي المكون الرئيسي لكثير من المواد التي نتناولها بدءا من الأرز والمعكرونة “ المكرونة “ مرورا بالبطاطس والحلوى الشرقية وانتهاءا بشوكولاته جلاكسي التي أعشقها حتى النخاع.  

أنيميا نقص الحديد

 الأنيميا Anemia باللاتينية تعني فَقر الدم وهي حالة تتميز بنقص عدد خلايا الدم الحمراء أو نقص ما تحتويه من هيموجلوبين ، والوظيفة الأولى لكريات الدم الحمراء - المكون الرئيسي للدم - هي حَمل الأكسجين ونقله إلى كافة أنسجة الجسم وأعضائة ، وبالتالي فحينما ينقص عدد خلايا الدم الحمراء تنقص تِباعاً كمية الأكسجين الواصلة إلى المخ و القلب وباقى أعضاء الجسم البشري ، وللعلم فهناك أنواع عديدة من الأنيميا منها ما يعرف بـ " أنيميا نقص الحديد " وهي موضوع مقالنا اليوم.

تخلصي من آلام الحيض

مع كل شهر ، يستعد الرحم لاستقبال ( جنين ) جديد ، فيتزين ويتجمل ، ويبدأ في إنشاء طبقة سميكة من الأوعية الدموية الدقيقة ؛ يغطي بها نفسه من الداخل لتشكل وسادة ناعمة تحتوي الجنين الصغير في رفق وحنان فترعاه وتغذيه، تسمى تلك الطبقة ببطانة الرحم .